.png)
Gazeta Si- Një 37-vjeçar, Fatbardh Çuni, është shpallur në kërkim, pasi dyshohet si është pritësi i lëndës narkotikeprej 7.3 kg kokainë të sekuestruar në Portin e Durrësit dy ditë më parë.
Sipas hetimeve dyshohet se 37-vjeçari do të priste lëndën narkotike në Angli, ndërsa hetimet vijojnë për zbardhjen e plotë të kësaj ngjarje.
Mësohet se policia shqiptare po bashkëpun ngushtë me homologët e Britanisë së Madhe, për të bërë të mundur kapjen e shtetasit të shpallur në kërkim.
Më herët në prangat e policisë në Durrës ranë 38-vjeçari Arjan Doçi dhe 39-vjeçari Mentor Çuni, të cilët janë kushërinj me origjinë nga Tropoja.
Policia kufitare në portin e Durrësit e gjeti drogën pas kontrollit të ushtruar në një fugon me targa angleze, pas dyshimeve për sende të paligjshme dhe pas skanimit u zbuluan të fshehura 7 pako kokainë.
Kokaina ishte paketuar në qese vakumi për mos t’u kuptuar nga qentë anti-droge.
Furgoni ku u gjet kokaina i përkiste kompanisë “Bledi Trans”, e cila transportonte sende dhe pako nga komuniteti shqiptar në Angli dhe i sillte në Shqipëri. Furgoni ndiqte itinerarin Shqipëri-Itali-Angli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
