.png)
Gazeta Si – Klodian Duro nuk është më trajner i Lushnjës. Trajneri elbasanas është shkarkuar për shkak të rezultateve të dobëta të 6 javëve të para të kampionatit, me vetëm 5 pikë dhe vendin e parafundit në renditje.
Mbyllet kështu shumë shpejt aventura lushnjare e Duros, i prezantuar me bujë nga kryebashkiakja-presidente Eriselda Sefa dhe deputeti Taulant Balla. Para nisjes së sezonit u fol për projekte madhore dhe ngjitjen në Superiore, por fusha ka folur ndryshe.
Kryebashkiakja Sefa njoftoi sot për mbylljen e bashkëpunimit me Duron. Ekipin do ta drejtojnë përkohësisht dy ish-futbollistë të Lushnjës, Blerim Hasalla dhe Judmir Gazheli. Trajneri i ri, i cili pritet të ketë më shumë eksperiencë, do ta marrë Lushnjën në një gjendje të vështirë në klasifikim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
