.png)
Shpesh përshkruhet si 'qendra e kënaqësisë femërore' dhe një studim i ri tanimë ka zbuluar se klitori është edhe më i ndjeshëm nga sa mendonim.
Studiuesit nga Universiteti i Shëndetit dhe Shkencës në Oregon (SHBA) kanë përfunduar numërimin e parë të njohur të fibrave nervore në zonën erogjene.
Gjetjet e tyre sugjerojnë se klitori përmban mbi 10,000 fibra nervore – 20 për qind më shumë se sa ishte vlerësuar më parë.
“Është befasuese të mendosh për më shumë se 10,000 fibra nervore të përqendruara në diçka aq të vogël sa klitorisi”, thotë Dr Blair Peters, autori kryesor i studimit.
Klitori është organi i vetëm i njeriut me qëllimin e vetëm për të ofruar kënaqësi.
Ai përbëhet nga nerva që bartin impulse elektrike midis trurit dhe pjesës tjetër të trupit, të cilat u mundësojnë grave të ndjejnë dhe t'i përgjigjen prekjes.
Ndërsa maja e klitorit gjendet jashtë trupit, pjesa më e madhe e organit ndodhet brenda.
Kjo përfshin nervin dorsal - një nerv në formë kërthieje që shkon poshtë në të dyja anët e boshtit të klitorit dhe është përgjegjës për ndjeshmërinë e tij.
Studimet e mëparshme kishin llogaritur se klitori përmbante rreth 8000 fibra nervore.
Por në studimin e ri, shkencëtarët u përpoqën të shihnin nëse ky numërim ishte i saktë kur kryhet te njerëzit.
Ekipi mblodhi indet nga njëra anë e nervit dorsal nga shtatë të rritur që i nënshtroheshin një operacioni gjenital të afirmimit të gjinisë.
Indet u ngjyrosën dhe u zmadhuan 1000 herë nën një mikroskop, duke i lejuar studiuesit të numërojnë fibrat nervore individuale.
Mesatarisht, mostrat përmbanin rreth 5,140 fibra nervore klitoriale dorsale.
Dhe për shkak se nervi dorsal është simetrik, kjo u shumëzua me dy për të vlerësuar numrin e përgjithshëm të fibrave nervore klitoriale dorsal - 10,281.
“Është veçanërisht befasuese kur krahason klitorisin me struktura të tjera më të mëdha të trupit të njeriut”, tha Dr Peters.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
