.png)
Kisha Katolike shqiptare shpreh keqardhjen ndaj vendimit të Turqisë për të rikthyer në xhami funksionale Katedralen e Shën Sofisë.
“Vendimi-, thotë Imzot George Frendo – duhet të ishte këshilluar dhe bashkërënduar, duke qenë se ai objekt i përket trashëgimisë kulturore botërore”.
Arqipeshkvi i Shqipërisë kujton qëndrimin e UNESCO-s dhe fjalën e Papa Françeskut gjatë lutjes së Tënzot këtë të diel.
“Ky vendim nuk i shërben sigurisht atyre vlerave të bashkëjetesës dhe të ruajtjes së disa parimeve të së drejtës ndërkombëtare. Duke qenë se Hagia Sofia i përket trashëgimisë botërore do të duhej të merreshin vendime të bashkëndara e ai objekt të mbetej i tillë, i hapur dhe i vizitueshëm nga të gjithë e duke u përkitur të gjithëve”, thuhet në deklaratën e Imzot Frendos.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
