Gazeta Si - I jashtëzakonshëm Eliud Kipchoge. Atleti 37-vjeçar kenian, dy herë kampion olimpik, ka vendosur një rekord të ri botëror në maratonën e edicionit të 48-të të Berlinit. Ai regjistroi kohën 2 orë, 1 minutë e 9 sekonda.
Kipchoge theu rekordin e tij të mëparshëm, që ishte 2 orë, 1 minutë e 39 sekonda, i vendosur në Berlin në vitin 2018. Për atletin kenian është fitorja e 4-t në rrugët e kryeqytetit gjerman në 5 pjesëmarrje në total. Ai e ka fituar këtë garë më parë në 2015-ën, 2017-ën dhe 2018-ën.
Kipchoge barazon kështu Haile Gebrselassie, që ka arritur i pari katër fitore në Maratonën e Berlinit. Vetëm se fitoret e tij janë radhazi, nga 2006-a në 2009-ën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.