.png)
Një ditë pasi u takua me anëtarët e Gjykatës Kushtetuese, ambasadorja Yuri Kim ka zhvilluar një takim me 15 prokurorët e SPAK-ut. Ajo i ka shprehur atyre vlerësimin për punën në ekip dhe ndjekjet penale të shumta dhe të suksesshme.
Në një postim në Twitter, Kim sjell në vëmendje se që nga ngritja e SPAK-ut, mbi 250 persona janë dënuar dhe janë konfiskuar 80 milionë euro. Diplomatja thotë se kur SPAK e çon një çështje në gjykatë, ata fitojnë në 90 për qind të rasteve.
Met w/special prosecutors to thank them for achievements since SPAK was established in Dec 2019. Since then, 250+ persons convicted and €80 million confiscated (compared to €20 million total 2011-2019). When SPAK takes a case to court, they win 90% of the time. Real results. pic.twitter.com/uGwV5af4OA
— Ambassador Yuri Kim (@USAmbAlbania) September 16, 2021
Ndërkohë, në një postim në Twitter, ambasada e SHBA-ve në Tiranë, shprehet se “është lajm i mirë për Shqipërinë që klasa e parë e hetuesve të BKH-së po iu bashkohet atyre në luftën kundër krimit dhe korrupsionit”.
“Klasa e BKH me 28 hetues të përkushtuar dhe të trajnuar mirë do të sigurojë ndërtimin e çështjeve të forta nga SPAK. Së bashku, ata do u japin përparësi dhe fokus çështjeve më të rëndësishme dhe do modelojnë pavarësi dhe përgjegjshmëri”, - thuhet në njoftimin e ambasadës.
Prokurorët e SPAK-ut, “do të ndjekin penalisht dhe do bëjnë përgjegjës ata që dëmtojnë shqiptarët dhe pasurojnë vetveten përmes krimit të organizuar dhe korrupsionit. Askush nuk është mbi ligjin. Koha e pandëshkueshmërisë po merr fund”, - vijon njoftimi.
(1/3) Ambasadorja Yuri Kim u takua me 15 prokurorët e SPAK për t'iu shprehur vlerësimin për punën e palodhur në ekip dhe ndjekjet penale të shumta të suksesshme. Është lajm i mirë për Shqipërinë që klasa e parë e hetuesve të BKH po iu bashkohet atyre në luftën kundër krimit... pic.twitter.com/Ctu90N79J4
— USEmbassyTirana (@USEmbassyTirana) September 17, 2021
Më herët, ambasadorja amerikane Kim deklaroi një intervistë për Zërin e Amerikës se kush thotë se është habitur nga vendimi i Departamentit Amerikan të Shtetit për ish-kryeministrin Berisha, me gjasë nuk është shumë i sinqertë.
Kim shpjegoi se kur dikush përcaktohet nga Sekretari i Shtetit për korrupsion domethënës, zakonisht është shumë e dukshme.
“Shkuarja deri në fund të këtyre proceseve kërkon një kohë të gjatë. Përsëris, dua të sqaroj që nuk është pjesë e ndonjë teorie të çmendur konspirative që vë në shënjestër politikën e brendshme këtu. Uashingtoni nuk merret me diçka të tillë”, - u shpreh Kim në lidhje me vendimin “non grata” të DASH-it për Berishën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
