Gazeta Si - Mançester Junajtid, pas atij starti katastrofik, ka ‘zyrtarizuar’ rilindjen me fitoren 3-1 ndaj Arsenalit. Rilindja nisi me vendimet e vështira të trajnerit Ten Hag dhe vazhdoi me blerjet e mëdha në merkato.
Ndaj Arsenalit ishte fitorja e 4-t radhazi. Debutim me gol për brazilianin Antoni, blerja më e shtrenjtë e merkatos, ndërsa Rashford shkëlqeu me dopietë. ‘Djajtë e kuq’ i kanë dhënë fund pathyeshmërisë së Arsenalit, tani +1 ndaj Totenhemit dhe Sitit.
Në çerekorëshin e parë të lojës, Junajtid shihte kundërshtarin të kishte 84% të mbajtjes së topit. Pritej goli i londinezëve, por shënoi Mançesteri. Rashford shërbeu për Antoni, i cili nuk gaboi përballë Ramsdale.
Braziliani, i blerë për 100 milionë euro nga Ajaksi, debutoi me gol. Arsenali barazoi me Saka në pjesën e dytë. Junajtid, tashmë dhe me Ronaldon në fushë, nuk dorëzohet. Asist i Bruno Fernandes dhe Rashford çon topin në rrjetë, 2-1.
Pas një kundërsulmi perfekt, Eriksen shërben Rashford për dopietën personale. Përfundon këtu pathyeshmëria e Arsenalit, që kryeson gjithsesi me 15 pikë. Mançester Junajti, që pas uljes në stol të Meguajër, por edhe Ronaldos pjesërisht, e ka marrë veten. Eriksen, Rashford dhe Lisandro Martinez ishin më të mirët për ekipin e Ten Hag.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.