.png)
Gazeta Si - Kastrioti mbetet skuadra e momentit në Superiore, natyrisht bashkë me Tiranën kryesuese. Që të dyja këto skuadra kanë fituar në ndeshjet e javës së 29-të të kampionatit: Kastrioti 1-0 ndaj Kukësit dhe Tirana 0-3 ndaj Egnatias.
Krutanët ishin me fat ndaj Kukësit, që përveçse goditi dy herë shtyllën në pjesën e dytë, iu anulua edhe një gol nga VAR-i në fillim të ndeshjes për shkak të një faulli në nisje të aksionit. Bedri Greca realizoi golin e fitores për Kastriotin me një veprim të bukur teknik në zonë.
Pas kësaj humbjeje, Kastrioti është më i sigurt në objektivin e qëndrimit direkt në elitë, kurse për Kukësin janë komplikuar shumë llogaritë e Europës. Kuksianët mbajnë vendin e 3-të me 45 pikë, 2 më pak se Laçi dhe 4 më shumë se Partizani, që luan të dielën ndaj Skënderbeut dhe këtë diferencë mund ta shkurtojë në 1 pikë, duke e rritur shumë presionin te skuadra e italianit Longo.
Tirana nuk e ka ulur ritmin as në Rrogozhinë, ku fitoi me lehtësi ndaj Egnatias, 0-3. Xhixha shënoi që në minutën e parë, më pas dyfishoi Hoxhallari me një goditje dënimi dhe Najdovski realizoi edhe golin e tretë për bardheblutë, tashmë 19 pikë para Laçit, që ndeshet nesër me Dinamon.
Java e 29-të e Abissnet Superiores do të mbyllet të dielën me sfidën e Durrësit mes Teutës vendëse dhe Vllaznisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
