Komunitet

Fikur, kamerat e policisë kur vdiq Enea në Komisariat?

Tiranë-27 vjeçari Enea Ftoi humbi jetën brenda Komisariatit të Korcës disa ditë më parë. Bashkëshortja e Enas thotë se e di që ai vdiq nga dhuna e policëve dhe se e di se cilët policë ishin. Megjithëse aty ka kamera që duhet të regjistrojnë çdo pyetje që policia i bënë të dyshuarit, në këtë rast edhe Eneas, prokuroria ende nuk di të thotë se çfarë ka ndodhur.  Avokati i Popullit dyshon se kamera nuk ka funksionuar.

Gazeta “Si” arrit të sigurojë listën e  rekomandimeve që Avokati i Popullit ka dhënë për ngjarjen. Në një prej tyre ngrihet shqetësimi se sistemet e sigurisë  për vëzhgimin e të ndaluarve apo të  arrestuarve në Komisaritin e Korçës mund të  mos jetë  funksional. Avokati i popullit kërkon:

“Marrjen e masave të nevojshme për instalimin dhe funksionimin e pajisjeve të regjistrimit audio-vizive në ambientet e sigurisë të Komisariatit të Policisë Korçë, duke përfshirë edhe dhomën e marrjes në pyetje të të arrestuarve/ndaluarve”.

Vëzhgimi i dhomave të marrjes në pyetje dhe dhomave të paraburgimit, është një detyrim ligjor për çdo komisariat të policisë në Republikën e Shqipërisë.

Gjatë protestës për vdekjen e Eneas

Mospasja ose mosfunksionimi i sistemeve të sigurisë audio-vizive në dhomat e sigurisë dhe marrjes në pyetje është një shkelje e hapur ligjore .

Por duket ky nuk është një problem i izoluar vetëm në Korçë, pasi sipas rekomandimit të Avokatit të Popullit, mbetet problem  në të gjitha komisariatet e Policisë së Shtetit.

Mungesa e sistemeve audio-vizive krijon mundësinë e abuzimeve si dhe shkeljen e të drejtave të njeriut brenda Komisariateve të Policisë nga ana e punonjësve, por nga ana tjetër shërben edhe si një mbrojtje ndaj akuzave që mund tu bëhen uniformave blu nga ana e të ndaluarve ose të arrestuarve.

Prokuroria ka sekuestruar kamerat e sigurisë në Komisariatin e Korçës për të zbardhur vdekjen e 27- vjeçarit, Enea Ftojit, por rekomandimet e bëra nga Avokati i Popullit, sugjerojnë se ato kanë qenë jofunksionale.

Bashkëshortja e Eneas

Enea la pas bashkëshorten dhe tre fëmijë  të vegjël. Familja e viktimës është  në vështirësi për tu ushqyer pasi ai ishte i vetmi që nxirrte të ardhura dhe gruaja e Ene kërkon ndihmë nga agjencitë qeveritare, por askush nuk

Burime na thanë se tre efektivët e policisë të cilit akuzohen nga familjarët si dhunuesit e 27- vjeçarit, nuk do të pezullohen por do të transferohen në struktura të tjera të Policisë, deri në përfundim të hetimit.

Gjatë muajit maj raportimet për rastet e ushtrimit të dhunës nga ana e Policisë ndaj të personave të ndaluar janë shtuar.

 

Më Shumë