.png)
Klement Zguri, kryetari në detyrë i KQZ-së, ka paraqitur dorëheqjen në Kuvend.
Mësohet se Zgurit i përfundonte mandati si kryetar i KQZ më 3 nëntor të këtij viti, por kodi i ri elektoral thekson se KQZ-ja e re tashmë me 3 hallka duhet të ngrihet brenda datës 19 tetor.
Zguri ka vendosur që të mos presë afatet ligjore, por të largohet me dëshirë nga posti që mbante.
Klement Zguri u emërua në këtë post pas marrëveshjes së 17 majit 2017 mes kryeministrit Rama dhe kreut të opozitës Basha. Më parë ai ishte anëtar i KQZ-së.
I mbetur si i vetmi anëtar i KQZ i zgjedhur nga opozita, Zguri ka pasur shpesh përplasje dhe kundërshtime me anëtarët e tjerë të komisionit.
Gjithashtu, ai nuk ka kandiduar për asnjë nga pozicionet e krijuara nga riformatimi i institucioneve të reja zgjedhore, të lindura nga marrëveshja e 5 qershorit mes mazhorancës dhe opozitës jashtë Parlamentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
