.png)
Japonia po planifikon të dërgojë një sondë në Hënë, duke u bërë pjesëmarrësja më e fundit në një garë të re hapësinore të shekullit të 21-të që së fundmi pa Indinë të zbarkonte në Hënë si vendi i katërt në botë.
”Një mjet lëshues japonez H2A do të ngrihet nga porti hapësinor Tanegashima i Japonisë, në jugperëndim të vendit”, deklaroi ”Mitsubishi Heavy Industries”.
Nisja u shty disa herë për shkak të kushteve të pafavorshme atmosferike.
Raketa mbart tokëzuesin hënor SLIM të zhvilluar nga agjencia hapësinore japoneze ”Jaxa” për të testuar teknologjitë për ulje precize në sipërfaqen hënore.
Japonia, e cila po përpiqej të vendosej fort në biznesin fitimprurës të lëshimit të satelitëve, ka pasur disa pengesa këtë vit, përfshirë lëshimin e dështuar të një rakete të gjeneratës së ardhshme H3.
Një ulje e suksesshme në fqinjin më të afërt të Tokës do ta bënte Japoninë vetëm vendin e pestë që arrin një sukses të tillë.
Më 23 gusht, India zbriti një anije kozmike në Hënë, pasi një përpjekje e ngjashme nga Rusia dështoi disa ditë më parë. /ata
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
