.png)
Izolimet gjatë pandemisë mund të kenë pasur një ndikim të ngjashëm në kujtimet e njerëzve me vuajtjen e dënimit me burg, sugjeron një studim.
Studiuesit u kërkuan pjesëmarrësve në studim që të gjenin kohën në të cilin ndodhën ngjarje të rëndësishme dhe ato i mbanin mend ngjarjet e vitit 2021 po aq pak sa ngjarje që kishin ndodhur 4 vite më parë.
Kjo ndodh edhe me njerëzit që janë në burg për një kohë të gjatë, të cilët humbin aftësinë për të gjurmuar kalimin e kohës.
Studiuesi Arash Sahraie thotë se hulumtimet tregojnë se në burg, njerëzit humbasin sensin e kohës dhe ngadalë fillojnë të harrojnë ngjarje dhe data.
“Njësoj ndodhi edhe me njerëzit gjatë Covid-19 sepse njësoj si të burgosurit, ato nuk kaluan ngjarje si ditëlindje apo një festë familjare që shpesh përdoren si pika referimi për të ‘gjurmuar’ kohën”, thotë studiuesi.
Studimi, i botuar në revistën PLOS One, u dha njerëzve katër ngjarje për secilin prej pesë viteve, midis 2016 dhe 2022.
Për çdo ngjarje, vullnetarët duhej të zgjidhnin vitin që mendonin se ndodhi. Sa më i fundit të jetë lajmi, aq më mirë duhet ta mbanin mend atë, kështu që vullnetarët pretendohej se do ishin më mirë në ngjarjet e ndodhura së fundmi por nuk ndodhi kështu.
Pjesëmarrësit gabuan me më shumë se 1 vit në kohën që kishin ndodhur ngjarje të caktuara.
“Megjithëse krahasimi midis mjedisit të burgut dhe kufizimit të lidhur me pandeminë mund të shihet si një rast ekstrem, ne argumentojmë se ka ngjashmëri në shkallën e izolimit social në të dyja situatat”, thanë studiuesit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
