.png)
Gazeta Si - Atleti shqiptar i kërcimit së gjati, Izmir Smajlaj, është shpallur kampion i Ballkanit në Stamboll të Turqisë, në edicionin e 27-të të garave në salla të mbyllura. Ky është titulli ballkanik i 6-të radhazi për Smajlajn, çka vërteton spermacinë e tij në disiplinën ku garon.
Me një postim në faqen e tij sportisti shkodran ka bërë të ditur edhe rezultatin e tij të fundit. “I nderuar të jem sërish, për të 6-tin vit radhazi, kampion Ballkanik! Prej vitesh, ky kampionat sa vjen dhe bëhet më i vështirë, por unë jam krenar që arrij të dal në vend të parë për vendin tim”, - shkruan Smajlaj mes të tjerash.
Një sukses jo i vogël ky për atletin shqiptar dhe trajnerin e tij Gjergj Ruli, një ish-kampion në po këtë disiplinë. Përveç trajnerit Ruli, në postimin e tij Smajlaj falënderon edhe klubin e Tiranës, Bashkinë e Tiranës dhe Komitetin Olimpik Shqiptar për mbështetjen që i kanë dhënë në punën e tij.
Izmir Smajlaj shkruan gjithashtu se ky është vetëm për fillimi për 2022-shin, duke paralajmëruar surpriza të tjera të bukura në garat në vazhdim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
