Gazeta Si – Një 46-vjeçar u shpall në kërkim në Vlorë, pasi gjatë kontrollit në një banesë në lagjen “10 Korriku” policia gjeti dhe sekuestroi 1 armë zjarri pistoletë me krehër me 10 fishekë, silenciator dhe një kuti me 14 fishekë.
Arma e zjarrit dhe pajisjet e sekuestruara do t’i dërgohen Institutit të Policisë Shkencore, për ekzaminime të mëtejshme.
Ndërkohë, 46-vjeçari me iniciale A.K. alias A.T., i cili dyshohet se mbante te fshehur armën dhe fishekët në banesën e tij u shpall në kërkim dhe vijon puna për kapjen e tij.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.