.png)
Qeveria italiane ka autorizuar sot policinë të përdorë drone ushtarakë për të monitoruar lëvizjen e qytetarëve në përpjekje për të frenuar shpërthimin e koronavirusit.
Autoriteti Kombëtar i Aviacionit Civil (ENAC) autorizoi përdorimin e droneve ushtarakë për të monitoruar nga lart bashkitë dhe zonat e banuara, pasi një pjesë e të qytetarëve vazhdojnë të thyejnë karantinën.
Në letrën e Autoritetit Civil thuhet se "duke pasur parasysh nevojat e shprehura policia lokale", deri më 3 prill, ato do të mund të kryejnë operacione me dronë ushtarakë për monitorimin e qyteteve
Një nga sfidat me të cilat po përballet qeveritë italiane në luftën kundër përhapjes së koronavirusit është shkelja e karantinës nga qytetarët.
Mbajtja e njerëzve në karantinë është bërë tanimë një mision ne vendin fqinj, pasi një sërë kryebashkiakësh kanë premtuar burgosjen e të të gjithë të pabindurve.
Italia është vendi më i prekur në Europë për COVID-19, me më shumë se 64,000 raste të konfirmuara dhe me numrin më të lartë të viktimave në botë.
Kur filloi shpërthimi në Itali, autoritetet izoluan fillimisht vetëm zonat e prekura në veri. I gjithë vendi u vendos në karantinë më 9 mars dhe ata që shkelin rregullat tani përballen me 232 dollarë gjobë dhe gjashtë muaj burg. Por një zyrtar kinez i Kryqit të Kuq deklaroi javën e kaluar se masat e ndërmarra nga qeveria italiane, të cilat janë ndër më të rreptat në Europë, nuk ishin të mjaftueshme. Të premten, ushtria doli në rrugë të ndihmuar në zbatimin e rregullave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
