.png)
Islam Dudaev i është bashkuar Zelimkhan Abakarov si përfaqësues i Shqipërisë në Lojërat Olimpike Paris 2024. Mundësi çeçen i cili përfaqëson me sukses Shqipërinë në arenën ndërkombëtare, ka triumfuar në kualifikueset që i jepte mundësinë të shkonte në Olimpiadë. Ai do të përfaqësojë Shqipërinë në peshën 65 kg në aktivitetin prestigjioz të kësaj vere.
Në ndeshjet e të shtunës, në fazën 1/16 Dudaev mundi 9-0 bjellorusin Niurgun Skriabin. Në 1/8 përballë ishte bjellorusi Adlan Askarov, të cilin e mundi me rezultatin 8-6. Në çerekfinale Dudaev mundi koreano-veriorin Kim, ndërsa në garën kualifikuese mundi ukrainasin Erik Arushanian 12-2.
Lojërat Olimpike të kësaj vere zhvillohen nga 26 korriku deri më 11 gusht. Veç mundjes, edhe Luiza Gega në atletikë ka siguruar pjesëmarrjen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
