.png)
Gazeta Si - "Kanarit kanë një kufi!", është slogani i kënduar nga dhjetëra mijëra njerëz në marshimet e njëkohshme të organizuara në tetë ishujt e arkipelagut Kanarie në Spanjë, në një mobilizim në shenjë proteste kundër turizmit masiv dhe pasojave të tij.
Spanjollët kanë protestuar kundër shfrytëzimit të mjedisin dhe burimeve natyrore, si dhe një modeli zhvillimi që shpërfytyron dhe varfëron territorin.
Në fund të ditës, autoritetet lokale folën për rreth 60 mijë njerëz që morën pjesë në demonstratat e ndryshme në tetë ishuj.
Ngjarja që regjistroi prezencën më të madhe ishte në Santa Cruz në Tenerife, ku sipas shifrave zyrtare 30 mijë dolën në rrugë dhe 15 mijë në Las Palmas në Gran Canaria.
Ndërsa pamjet ajrore të shkëmbyera në rrjetet sociale dhe duke u shfaqur në TV tregojnë, rrugë të mbushura me njerëz edhe në qytete të tjera iberike dhe kryeqytete evropiane që i janë bashkuar mobilizimit: Malaga, Granada, Madridi, Barcelona, Amsterdam, Londër dhe Berlin.
Thirrja erdhi nga shoqatat ekologjike dhe sociale me synimin për t'i thënë mjaft turizmit të tepërt në ishuj, i cilësuar si "i paqëndrueshëm dhe për të mirën e të paktëve, i cili nuk ka pasoja pozitive në ishuj, dëbon banorët dhe vështirëson bashkëjetesën".
Dhe janë pikërisht banorët e arkipelagut ata që kërkojnë me forcë ndryshimin e ritmit, duke kërkuar një model tjetër zhvillimi për sektorin që është qendror për ekonominë e Ishujve Kanarie.
Detaje indikative dalin nga raporti më i fundit vjetor i Arope-s mbi "Varfëria në Spanjë", sipas të cilit në vitin 2023, Ishujt Kanarie shënuan numrin më të madh të ardhjeve të turistëve në Spanjë me 13.9 milionë vizitorë nga një popullsi rezidente prej 2.2 milionë banorësh, që megjithatë shënoi normat më të larta të varfërisë, ku deri në 33% e popullsisë është në rrezik të margjinalizimit.
Protestuesit po bëjnë thirrje për "masa të menjëhershme", si vendosja e një ekotakse për turistët, një moratorium turistik dhe ligje që u lejojnë banorëve dhe punëtorëve qasje preferenciale për strehim në ishuj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
