.png)
Gazeta Si – Ish-kryebashkiaku socialist i Lushnjës, Fatos Tushe është paraqitur paraditen e së kësaj të mërkure në SPAK, i shoqëruar me avokatin e tij.
Sipas asaj që pohoi vetë Tushe, ai është thirrur për një hetim tjetër të nisur ndaj tij, pasi akuzohet për mosdeklarim pasurie. Sipas burimeve, mësohet se Tushes i janë gjetur prona të fshehura në emër të personave të tjerë.
Kur doli nga ambientet e Prokurorisë së Posaçme, Tushe tha se ishte thirrur në lidhje me mosdeklarimin e një pasurisë.
Në vitin 2022, ai u arrestua me akuzën e shpërdorimit të detyrës dhe shkeljes së barazisë në tendera për pastrimin e një kanali.
Pasi përfundoi dënimin, kur përfundoi dosja në Apelin e Posaçëm, iu shtua akuza tjetër, për të cilën Shkalla e Parë e shpalli të pafajshëm.
Tashmë Tushe është i lirë, por ka një tjetër procedim penal, që do t’i duhet të përballet sërish me drejtësinë.
GJKKO dënoi Tushen në korrik të vitit 2022 me dy vite e 4 muaj burg për shpërdorim detyre.
Prokuroria e Posaçme Anti korrupsion fillimisht kërkoi dënimin me 5 vite burg për ish kryebashkiakun lushnjar. Për shkak të gjykimit të shkurtuar, ai përfitoi ulje me 1/3 e dënimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
