Kryetari i Lidhjes Demokratike të Kosovës, Isa Mustafa, ka njoftuar sot se është shëruar plotësisht nga Covid-19, pas infektimit tre javë më parë.
Ai ka falënderuar të gjithë ata që janë lutur për shëndetin e tij, por nuk i ka kursyer disa fjalë për ata që i kanë uruar vdekjen.
“Miq të nderuar, kishte edhe nga ata që duartrokitën kur u sëmura dhe më uruan vdekjen. Pati nga ata që sajuan varrimin tim virtual në rrjetet sociale dhe më tmerruan një pjesë të familjes. Edhe këtyre iu uroj shëndet; fëmijëve dhe familjeve të tyre! Fati ynë është që tjetërkush vendosë për jetën tonë, ndërsa me disa merret drejtësia”, ka shkruar Mustafa.
Mustafa u ka uruar shërim të shpejtë të gjithë atyre që janë të prekur me këtë sëmundje dhe u ka shprehur ngushëllime të gjithë atyre që kanë humbur të afërmit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.