.png)
Gazeta Si – Në ‘San Siro’ kanë fituar zikaltrit me një gol të Darmian në pjesën e dytë. Tani skuadra e Inzagit pret fituesin e çiftit Juventus-Lacio.
Interi mundi 1-0 Atalantën në çerekfinale të Kupës së Italisë dhe siguroi kalimin në gjysmëfinale, ku do të ndeshet me njërin mes Juventusit dhe Lacios. Në ‘San Siro’ u luajt një ndeshje e ekuilibruar, e vendosur nga një gol i Darmian.
Në pjesën e parë Atalantën e shpëtoi shtylla nga një gjuajtje e Çalhanoglu. Zapata pati një rast të mirë me kokë, por nuk e gjeti golin. Në pjesën e dytë Darmian shfrytëzoi asistin Lautaro Martinëz për të realizuar golin që eliminoi Atalantën.
Berat Gjimshiti luajti 90 minuta në këtë ndeshje me Atalantën. Vetëm në 20 minutat e fundit pati një derbi shqiptar, pasi në fushë u fut edhe Kristjan Asllani, që në një rast iu afrua golit. Gjithsesi, mesfushori kuqezi ka festuar kualifikimin në gjysmëfinale të Kupës së Italisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
