.png)
Gazeta Si – Nëse kishte ndonjë dyshim për gjendjen e sulmuesit pas dëmtimit të gjatë, ishte derbi që hoqi pikëpyetjet mbi të ardhmen e Romelu Lukakut, i cili duket se po rikthehet. Duhet edhe pak kohë për të parë shpërthimin e ‘Big Rom’, në formatin e titullit, por progresi është i dukshëm.
Tek Interi besojnë më shumë se kurrë tek ai edhe për të ardhmen. Ditët e fundit drejtuesit zikaltër kanë pasur kontakte me avokatin Sebastien Ledure, që punoi për rikthimin e belgut nga Çelsi. Interi ka si qëllim të rinovojë huazimin nga londinezët.
Takimi me klubin anglez, sipas ‘Gazzetta dello Sport’, është fiksuar pas sfidës së dyfishtë të Ligës së Kampionëve me Porton. Klubi italian shpreson që reduktojë shifrën e 8 milionëve të paguar këtë vit, duke e argumentuar këtë pretendim me dëmtimet që e kanë mbajtur Lukakun jashtë fushave për një kohë të gjatë.
Në anën tjetër, Çelsi synon që të lirohet nga futbollisti belg dhe jo vetëm. Një situatë që i shkon për shtat Interit për të ulur çmimin e sulmuesit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
