.png)
Gjithmonë edhe më shumë po flitet për një largim të Interit dhe Milanit nga stadiumi mitik “San Siro”. Projekti është nisur prej një kohe të gjatë dhe plani rregullator i qytetit të Milanos jep hapësirë për manovra të ndryshme duke përfshirë rrënimin e “Giuseppe Meazza” dhe rindërtimin e një stadiumi të ri. Gazeta italiane “Sole 24”, dëshmon se si dy klubet nuk janë ndalur vetëm në fazën e idesë për këtë temë, por kanë filluar një proces nga i cili do të jetë e vështirë të kthehen pas dhe që si destinacion ka një stadium të ri në Milano.
Marrëveshje financiare
Nën presionin e AC Milan dhe Ivan Gazidis, të dy klubet kanë besuar bankën amerikane të biznesit, Goldman Sachs gjashtë muaj më parë, e cila do të ketë një pozitë të rëndësishme financiare në ndërtimin e stadiumit të ri. Inter dhe Milan kanë kërkuar që të studiojnë nga një këndvështrim operacional dhe financiar ndërtimin e stadiumit të ri në zonën aktuale të parkimit. Udhëtimi i bërë në SHBA nga Gazidis dhe Antonelli së bashku për t’u takuar me konsulentët e Goldman Sachs ditët e fundit dëshmon se si është gjetur një rrugë drejt qëndrueshmërisë për këtë projekt. Mund të jetë e dhimbshme për shumë nostaligjik të San Siro, por duhet që të fillojmë deri tani të përgatitetmi për një lamtumirë ndaj San Siro, pasi ora po afrohet gjithmonë edhe më shumë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
