.png)
Shkencëtarët kanë zhvilluar një mënyrë për të siguruar insulinë nga goja, nëpërmjet një pilule ose çokollate pa sheqer dhe e kanë testuar me sukses atë te kafshët.
Kjo insulinë e re do të jetë gati për testim njerëzor në vitin 2025.
Rreth 61 milionë njerëz kanë diabet në Evropë dhe midis 5 dhe 10 për qind e tyre kanë diabet të tipit 1, që do të thotë se ata duhet të marrin insulinë çdo ditë për të kontrolluar nivelet e tyre të glukozës në gjak.
Disa njerëz me diabet të tipit 2 më të zakonshëm duhet gjithashtu të marrin insulinë. Tre mënyrat më të zakonshme për të marrë insulinë janë me një shiringë, një stilolaps insuline ose një pompë insuline, sipas Federatës Ndërkombëtare të Diabetit.
Ilaçi u zhvillua nga studiuesit nga Universiteti i Sidneit në Australi në bashkëpunim me Universitetin Arktik të Norvegjisë.
“Ne shpresojmë se një ilaç që ata mund ta marrin nga goja dhe diçka që nuk mund ta marrin në mbidozë mund të lejojë kontroll më të mirë të glukozës gjatë gjithë ciklit jetësor”, tha Nicholas Hunt, pedagog në Universitetin e Sidneit, duke shtuar se insulina në një formë të tillë është më e lehtë të merret.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
