Inflacioni për muajin tetor 2021 shkoi në 2.4% duke shënuar rënie me 0.1% nga muaji shtator.
Indeksi i Çmimit të Konsumit që mat inflacionin, është shumë më i lartë se një vit më parë, 0.8%.
Rritja e çmimeve të produkteve të konsumit dhe jo vetëm, u zbutën paksa në muajin tetor duke shënuar rënie të lehtë nga shtatori, kur qe vrulli i rritjes së çmimeve globalisht.
Në nivelin e inflacionit për muajin tetor ka ndikuar më së shumti grupi I produkteve të ushqimit dhe pijeve joalkoolike me 1.3%, transporti me 0.3% dhe qiraja, uji, energjia elektrike me 0.2%.
Në raport mujor ka ndikuar transporti me 1.8%, veshje dhe këpucë, argëtim, hotele, ristorante me 0.4%.
Teksa në shumicën e vendeve Europiane rritja e çmimeve ka qenë më e lartë se objektivat e Bankave Qendrore, në Shqipëri treguesi mbetet ende poshtë objektivit të Bankës së Shqipërisë 3%.
Rritja e çmimeve po nxitet nga kërkesa e lartë pas pandemisë dhe rritja e çmimeve në tregjet e importit, por sipas BSH-së, është vetëm rritje e përkohshme dhe nuk do të zgjasë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.