.png)
Pas infektimit me Covid-19 të doktorit infeksionist Pëllumb Pipero, pas marrjes së dozës së parë të vaksinës Pfizer, ish-deputeti i PD-së, Tritan Shehu thotë se, ministria e Shëndetësisë duhet të kërkojë nga Kompania Pfizer të verifikojë gjendjen bioaktive të atyre dozave vaksinash të arritura në Shqipëri.
“Kjo nevojë nuk lind vetëm nga infektimi Covid i kolegut mbas 16 ditë të marrjes së dozës së parë (të cilit i uroj shërim të shpejtë e të plotë), që e bën kategorike këtë, por dhe nga gjithë ajo ‘Odise’ e mbuluar me mister dhe parregullsi ligjore”, thotë Shehu.
Po pse Tritan Shehu me profesion mjek e ngre një dyshim të tillë?
“-Asnjë medikament, aq më shumë një vaksinë si kjo që kërkon kushte shumë speciale ruajtje, transporti e aplikimi nuk mund të futet e të përdoret pa Certifikatën e Origjinës së mallit nga Kompania Farmaceutike që e dërgon e dokumentet e tjera të domosdoshme sipas ligjit.
-Termi i përdorur në doganë ‘dorazi’ është anti ligjor, dhe të bën të mendosh për ‘kontrabandë’.
-Agjencia e Kontrollit të Barnave, që tregoi se realisht nuk egziston, duhej të kishte një dosje të plotë mbi të cilën të dilte Urdhri i Importit nga Titullari i Ministrisë, si medikament i pa regjistruar
-Dhe për këtë dokumentacion nuk ka asnjë ‘konfidencialitet’, ka vetëm detyrim ligjor për transparencë deri në publikim On line;
-Unë kam ngritur alarmin e shkeljes së rregullave me elementare të “Sigurisë medikamentoze” e “farmako vigjilencës”, rregulla që duhen respektuar me fanatizëm, ndryshe së paku vihet në dyshim siguria e efekshmëria e medikamentit...”, thotë Shehu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
