Ndjesa publike pasi i theu telefonin tifozt 14-vjeçar nuk ka mjaftuar për yllin portugez të Mançester Junajtid. Ai ishte ambasador i shoqatës bamirëse që prej vitit 2012.
“Save the Children” i ka hequr Kristiano Ronaldos të drejtën për të qenë ambasador i saj pas episodit të shtunës që kaloi me tifozin e vogël, ku futbollisti u bë protagonist negativ. Nervozizmin pas humbjes sulmuesi i Mançesterit e shkarkoi te ky tifoz, duke i thyer telefonin.
Ronaldo e goditi në dorë djaloshin në “Goodison Park”, të cilit i ra telefoni nga dora dhe portugezi ia shkeli. Sipas dëshmisë të së ëmës, djali u shokua dhe shpërtheu në të qara. “Save the Children”, që lufton për të mbrojtur fëmijët kudo në botë, në mënyrë që ata të ndihen të sigurt, e konsideroi ngjarjen në fjalë kundër gjithçkaje që kjo shoqatë përfaqëson.
CR7 kërkoi menjëherë ndjesë për veprimin e tij, por nuk ka mundur t’u shpëtojë pasojave. Për atë episod është hapur edhe një hetim nga policia dhe lojtari rrezikon të ndëshkohet edhe nga Premier Liga. Ronaldo ishte ambasador i “Save the Children” prej 10 vitesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.