Damian Gjiknuri i dha përgjigjet e tij në një konferencë për shtyp për inceneratorët ku tha se kishte edhe dokumentet.
Ndër të tjerra Gjiknuri tha se kishte zbatuar vendimet e qeverisë dhe se vetë ai nuk ishte nismëtari i djegësave.
Ai nuk nxori letra edhe pse tha se kishte ardhur me dosje në konferencën për mediat, por Sali Berisha po.
Pas daljes së Gjiknurit, Berisha bëri publike një dokument me firmën e Gjiknurit për ndërtimin e impiantit të Elbasanit, por në fakt referuar një tjetër vendimi më të hershëm të qeverisë që autorizonte zbatimin e rregullave dhe procedurave të ndërtimit të kapaciteteve të reja prodhuese të energjisë elektrike.
Berisha bëri gjithashtu publike një tjetër dokument për të cilën foli ditët më herët kur tha se Rama do të bëjë “kurban” Niko Peleshin për inceneratorët.
Në dokument shihet firma e Niko Pleshit si zv-kryeminister (me porosi të Edi Ramës) për dhënien e miratimit dhe sigurimit të financimit të nevojshëm të kontratës së koncesionit për ndërtimin dhe administrimin e impiantit të trajtimit të mbetjeve urbane për Elbasanin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.