.png)
Organizata Ndërkombëtare e Punës, ILO, ka krijuar një projekt mbi të dhënat e punësimit globalisht ku është përfshirë edhe Shqipëria.
Specifikisht në vendin tonë ky projekt synon të dhënat mbi punësimin në sektorin e energjisë dhe pritet të vihet në funksion brenda vitit 2021.
ILO synon krijimin e të dhënave dhe analizimin e tyre sipas aftësisë dhe nevojës së sektorëve të ndryshme ekonomike për vende pune.
Në Shqipëri, ILO ka për qëllim analizimin e sektorit energjitik në mënyrë që mungesa apo nevojat për e këtij shërbimi të plotësohen duke nisur nga fusha e arsimit, bizneset dhe sigurisht njohjen e të rinjve me ofertën e punës në tregun energjetik.
Ky projekt i ILO-s është aplikuar më parë në Turqi për aftësitë dhe nevojat për punësim në sektorin e industrisë automative, në Izrael për agroteknikën dhe në Marok për agrobiznesin.
“Big Data” sivjet do të pilotohet në Shqipëri dhe Tunizi për sektorin e energjisë dhe më Ukraië për sektorin e shëndetësisë.
ILO do të mbledhë të dhënat në terren dhe nga rrjeti. Nga ofertat e punës që do të ofrojë dhe nga numri i punëkërkuesve që do tu përgjigjen.
Më pas të dhënat e mbledhura dhe konluzionet do të hidhen në platformën që do të krijojë Organizata për këtë projekt në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
