Gazeta Si – Ilir Shulku, ish-lojtar i Kombtares dhe aktualisht numri 2 i FSHF-së në rolin e sekretarit të përgjithshëm, e sheh me shumë besim sfidën me Poloninë. Nga Varshava ai ka dekleruar se kuqezinjtë mund të përfitojnë nga gjendja jo e mirë e kundërshtarit pas humbjes në Çeki dhe preblemeve të brendshme.
“Atmosfera është pozitive dhe shpresoj ta nisim mbarë. Djemtë kanë besim. Polonia është një kundërshtar i fortë, por duhet të përfitojmë nga luhatja që ata kanë pësuar pas humbjes së parë. Brenda grupit kanë probleme. Si ish-futbollist shoh që në Kombëtare ka një tjetër besim. Shpresoj të mos zhgënjejmë tifozët.
Stafi i ri teknik është në moshë të re, është përshtatur mirë me ekipin. I kanë trajtuar lojtarët si shokë dhe stërvitja ka ndryshuar, kushtet janë më të mira”, - theksoi Shulku.
Më pas ish-mbrojtësi i Partizanit ka bërë edhe një krahasim me ndeshjet e fundit ndaj Polonisë: “Ata kanë minus faktin që vijnë nga një ndeshje jo e mirë, nuk kanë atmosferën e duhur. Kanë pasur edhe konflikte brenda grupit. Ne kemi staf të ri dhe mentalitet të ri, prandaj jemi optimistë.
Shpresoj që adrenalina e tifozëve të ndikojë për mirë dhe jo negativisht te ne. E rëndësishme është të luajmë mirë dhe më pas të shohim edhe për rezultatin. Kjo ndeshje nuk është gjithçka. Sulmi? Në stërvitje kemi parë gola të bukur, shpresoj të mos i kenë konsumuar të gjithë, por të shohim diçka të bukur edhe në ndeshje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.