.png)
Gazeta Si – Ka debutuar në kombëtaren e Uruguait në moshën 36-vjeçare, më 11 qershor kundër Panamasë në miqësore. Sebastian Sosa u fut në fushë në minutën e 75-të, në vend të Fernando Muslerës. Është grumbulluar sërish tani për ndeshjet ndaj Iranit dhe Kanadasë, ku portieri u shfaq me një tatuazh të madh pas koke, një luan.
Pse? Sosën i ranë gjithë flokët, pasi u prek nga Covid-19 në verën e 2020-ës. Dhe portieri bëri këtë zgjedhje për ta zbutur disi situatën.
Vetë Sosa ka shpjeguar: “Isha me Covid-19 në korrik të 2020-ës dhe në fund të gushtit flokët e mi nisën të binin papritur. E dija që ishte një pasojë e Covid-it dhe duke qenë se më mbetën pak flokë, vendos ta rruaj kokën.
Vendosa të bëj tatuazh një luan pas kokës, sepse më kanë pëlqyer gjithmonë. Nuk kam ndjerë dhimbje, por u deshën 7 orë që të përfundonte ky tatuazh”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
