.png)
I ftohi siberian ka mbërthyer Gadishullin e Ballkanit duke diktuar kushtet e motit edhe në territorin Shqiptar. Për pasojë, kthjellime, vranësira të shpeshta si edhe temperatura ekstremisht të ulëta do të jenë dominante në të gjithë vëndin.
Mesdita dhe orët e pasdites sjellin herë pas here zhvillim të vranësirave në dy ekstremet veri-jug duke gjeneruar reshje të izoluara dëbore.
Një tjetër parametër problemtik do të jetë era, e cila do të fryjë e ftohtë nga verilindja duke bërë që i ftohi të ndjehet edhe më shumë. Parashikohet që edhe gjatë natës të mbetemi në të njëtat kushte të ftohta atmosferike.
Temperaturat e ajrit do të pësojnë rënie të ndjeshme si në vlerat minimale dhe në ato maksimale duke luhatur vlerat ditore nga -7°C më e ulëta deri në 11°C më e larta në rang territori.
Era do të fryjë mesatare dhe e forte me shpejtësi 55 km/h nga drejtim Verilindor; kjo do të bëjë që në brigjet detare të gjenrohet dallgëzim 4 – 5 ballë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
