Ka ndodhur

I akuzuar në Gjermani për mashtrim, arrestohet në Tiranë 42-vjeçari izraelit

Gazeta Si – Një 42-vjeçar me origjinë nga Izraeli dhe me shtetësi kanadeze, është arrestuar në Tiran në kuadër të operacionit policor të koduar “Operacionalja 25”.

Sipas asaj që njofton policia, 42-vjeçari Roy.G është i akuzuar në shtetin gjerman, për mashtrim në mënyrë të përsëritur.

Gjykata e Bambergut, Gjermani ka lëshuar urdhër ndalimi për këtë shtetas, për mashtrim, të kryer në mënyrë të përsëritur, veprimtari kriminale për të cilën Kodi Penal i Gjermanisë parashikon dënim deri në 15 vjet burgim.

Ndërkohë Interpol Tirana po bashkëpunon me homologët, për të finalizuar procedurën për ekstradimin e 42-vjeçarit, në Gjermani.


Copyright © Gazeta “Si”


Më Shumë