.png)
Gazeta Si – Katër shtetasit çekë, të cilët u kapën duke fotografuar brenda Uzinës së Armëve të Poliçanit, do të hetohen në gjendje të lirë.
Ata kanë pretenduar se janë turistë dhe janë ngatërruar në tunelet e ish-uzinës së armëve, por prokuroria e Beratit do të vijojë hetimet.
Çekët, me gjithë bashkëjetueset e tyre do të hetohen në gjendje të lirë me akuzën e shkeljes ëë perimeterit të sigurisë.
Ministria e Mbrojtjes njoftoi se rreth orës 08:40 të mëngjesit të 21 gushtit 2022, tek një nga tunelet në Uzinën e Poliçanit, janë konstatuar lëvizje të personave të paidentifikuar.
Menjëherë Policia Ushtarake në bashkëpunim me Policinë e Shtetit kanë izoluar hyrjet e tuneleve të cilët janë pothuaj se të gjithë komunikues me njëri-tjetrin dhe pas kërkimeve kanë ndaluar dy persona me kombësi çeke.
Rreth orës 12:30 në distancë 1.5 km larg tuneleve jashtë perimetrit të rrethimit të repartit u konstatuan dhe shoqëruan edhe dy shtetase te kombësisë çeke, bashkëjetuese të dy shtetasve të mësipërm.
Ndërkohë, sipas burimeve të Gazeta Si.al, 4 çekët nuk kanë lidhje me ngjarjen e Gramshit, ku u ndaluan dy ruë dhe një ukrainas në uzinën e armëve, të cilët në tentativë për t’u larguar u konfrontuan fizikisht me ushtarët e bazës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
