Hoti: Do të rrisim pensionet që janë nën 100 euro

12:10 - 15 Janar 2021

Kryeministri në detyrë, Avdullah Hoti ka deklaruar se do të rriten pensionet që janë nën 100 euro.

Në një konferencë për shtyp ditën e sotme, (të premten) ai ka njoftuar edhe lidhur me masat për programin për rimëkëmbje ekonomike për vitin 2021.

Në një konferencë të përbashkët me ministren e Financave, Hykmete Bajrami, Hoti theksoi se ky program është pjesë e buxhetit në vlerë prej 222.4 milionë eurove.

Në bazë të këtij vendimi, Hoti bëri të ditur se ky program ka gjithsej 16 masa e pjesë e tyre është edhe rritja e pensioneve që janë nën 100 euro.

“Do të rrisim të gjitha pensionet që janë nën 100 euro. Një shumë totale prej 13.5 milionë eurove, pra që do të shkojnë për skemat pensionale që janë të ulëta”.

Hoti po ashtu theksoi se masat janë votuar në mënyrë elektronike dhe do të hyjnë në fuqi sot.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.