.png)
Gazeta Si - Tifozët e parë të Fejnordit kanë mbëritur tashmë në Tiranë. Pjesa më e madhe e tyre do të mbërrijnë sot, ashtu si dhe ata të Romës, skuadrës tjetër finaliste të Ligës së Konferencës.
Para nisjes nga Holanda tifozët kanë marrë disa udhëzime nga autoritet përkatëse në vendin e tyre. Atyre u është bërë me dije se në Shqipëri ka ligje të ashpra dhe se tifozët rrezikojnë burgun, nëse i shkelin ato.
Sipas gazetës “De Telegraaf”, Ministria e Punëve të Jashtme Holandeze (BUZA) ka dhënë paralajmërime të qarta për tifozët që do të udhëtojnë drejt Tiranës. Me një njoftim zyrtar ajo apelon për të mos përdorur drogë dhe për të mos ushtruar dhunë.
“Autoritetet në Tiranë po bëjnë kontrolle në lidhje me përdorimin e drogës, dhunën dhe lëndët plasëse. Janë shkelje që dënohen deri në tri vjet burg. Rrezik burgu ka edhe për ata që prishin rendin publik”, - shkruhet në njoftim.
Në artikull shkruhet se janë dhënë udhëzime edhe për mënyrën e pagesës në Tiranë, me euro dhe lekë. Tifozët holandezë këshillohen të marrin euro me vete, sepse mund t’i gjejnë automatët bosh.
Një tjetër udhëzim për tifozët e Fejnordit është që ata të kenë shumë kujdes në Shqipëri, sepse mund të vidhen.
Tifozët e Romës ndërkohë kanë më shumë informacion për Shqipërinë dhe shqiptarët. Ata mund të vijnë më të përgatitur në Tiranë, ku do të gjejnë një atmosferë pozitive në fakt, sepse shumica e shqiptarëve do të jenë me Romën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
