.png)
Gazeta Si - Kthesë e re politiko-gjyqësore në Spanjë. Prokuroria Publike ka kërkuar pushimin e hetimit paraprak kundër Begona Gomez, gruas së kryeministrit socialist Pedro Sanchez, i cili ishte hapur nga një gjykatës në Madrid dhe që kishte shtyrë kreun e qeverisë të mërkurën të shpallte një "pauzë të reflektim”, pa përjashtuar mundësinë e dorëheqjes së tij.
Prokurori Publik do të apelojë vendimin e marrë nga gjyqtari Juan Carlos Peinado, sepse ai pretendon se ka të dhëna të pamjaftueshme në padinë për ushtrimin me ndikim dhe korrupsion të paraqitur nga sindikata e djathtë “Manos Limpias” dhe për rrjedhojë nuk ka prova të mjaftueshme për pranimin në procedim.
Grupi kundër korrupsionit “Manos Limpias” (Duart e Pastra), tha se e kishte bazuar padinë e tij në lajmet e raportuara nga media, veçanërisht nga disa faqe dhe gazeta konservatore lajmesh, si “El Confidencial”, e cila në një letër të hapur të gjatë dhe të botuar të mërkurën në mediat sociale, Sanchez e përkufizoi si pasojë e një "galaktike të së djathtës dhe ekstremit të djathtë" të manipuluar nga kundërshtarët e tij politikë.
"Një makinë balte", shtoi Sanchez, duke cituar "shkrimtarin e madh italian Umberto Eco".
Kreu i sindikatës “Manos Limpias”, Miguel Bernad, i afërt me partinë e ekstremit të djathtë Vox, shkroi në Facebook se grupi thjesht kishte përpiluar dhe kaluar raportet tek një gjyqtar për "detyrë qytetare" dhe mohoi se veprimi ishte i motivuar politikisht.
Sanchez, i cili vitin e kaluar siguroi një mandat tjetër për Partinë e tij Socialiste (PSOE) si udhëheqës i një koalicioni qeveritar të pakicës, njoftoi një pushim pesë-ditor nga detyrat publike dhe një konferencë shtypi më 29 prill, në të cilën do t'i tregojë se çfarë vendimi do të marrë për të ardhmen e tij.
“A ja vlen të qëndroj në krye të kësaj qeverie apo të heq dorë nga ky nder i lartë?”, pyet ai në letrën e hapur drejtuar qytetarëve.
Partia Socialiste e mbështeti Sanchez-in, ndërsa lideri i Partisë Popullore, Alberto Nunez Feijoo, e akuzoi atë se po bënte një "shfaqje adoleshente për të mbijetuar".
“Kryeministri nuk mund të japë dorëheqjen si dikush që ecën në urë se nuk justifikohet”, përfundoi kreu i opozitës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
