.png)
Gazeta Si – Sigurisht, është Botërori i Lionel Mesit, por edhe Emiliano Martinezit. ‘Heroi’ i argjentinasve ishte ai në fund, me penalltinë e pritur ndaj Komanit, kurse Tçouameni gjuajti shtyllën.
Pas finales, portieri argjentinas, vendimtar edhe në kualifikimin ndaj Holandës në çerekfinale po me penallti, u shpreh: "Ishte një ndeshje vuajtjesh të mëdha. E dinim, por nuk arritëm ta kontrollonim ndeshjen ashtu siç donim. Por, për t’u bërë kampion duhet të vuash”.
Më pas, mes lotësh nga emocionet e mëdha, Martinez ka shtuar: “Kur shkuam te penalltitë në fund, u thashë shokëve që të rrinin të qetë, sepse ndonjë do ta prisja…". Një e priti në fakt dhe i dha skuadrës mundësinë për të festuar me Kupën e Botës në Katar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
