Një 22-vjeçar, i cili ishte në kërkim pasi akuzohet se ka kryer disa vjedhje në këtë qytetet, është arrestuar nga Policia e Lezhës.
Policia thotë se Elio Hila, në bashkëpunim me një person tjetër të arrestuar në flagrancë, tentuan të vidhnin një banesë në fshatin Zejmen në Lezhë.
Tentativa e vjedhjes ka ndodhur në datën 9 nëntor të këtij viti. Policia në atë kohë kapi vetëm të riun me iniciale A.ZH., ndërsa Hila arriti të largohej por pësoi disa dëmtime.
22-vjeçari më pas është paraqitur në Spitalin Rajonal Lezhë, për mjekim, dhe pasi ka dyshuar që është vënë në dijeni policia, është larguar, por ndalimi i tij është bërë i mundur pranë një spitali privat në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.