“Guardia di Finanza” ka zbarkuar në Kontinasa, pas një hetimi të nisur për Juventusin për deklarimin e bilanceve false. Hetimi përfshin periudhën nga 2018-a në 2021-shin, ku ka dyshime për lëvizjet e 50 milionë eurove. Prokuroria e Torinos ka nisur punën pas sinjaleve të “Consob” dhe “Covisoc”.
Janë 6 personat nën hetim te Juventusi për bilanc fals, mes tyre edhe presidenti Andrea Anjeli, në lidhje me sezonet 2018-19, 2019-20 dhe 2020-21. Gjithçka ka të bëjë me bilancet, me të cilat është marrë së fundi edhe “Consob” dhe “Covisoc”. “Guardia di Finanza” ka shkuar në selinë e klubit bardhezi për të marrë gjithë dokumentacionin e nevojshëm.
Ishte e nevojme të bëheshin disa verifikime në lidhje me operacionet, ku Juventusi ka dalë me plus, në veçanti shkëmbimi Pjaniç-Artur. Tani Juventusi po ndiqet edhe penalisht. Bëhet fjalë për lëvizjen e rreth 50 milionë eurove. Përveç presidentit Anjeli, në hetim janë edhe zëvendëspresidenti Pavel Nedved dhe ish-përgjegjësi i sektorit sportive, Fabio Paratiçi, si dhe 3 punonjës të tjerë.
Hetimi, sipas komunikatës së Prokurorisë së Torinos, ka nisur që në muajin maj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.