.png)
Gazeta Si - Pas asaj fitoreje në Qipro, Kosova pritej të arrinte një tjetër sukses në ‘Fadil Vokrri’, por fitoi Greqia. Ndeshja u vendos nga një gol i Bakasetas në pjesën e parë. Dardanët e mbyllën ndeshjen me 9 lojtarë.
Greqia ka dalë me 3 pikë nga stadiumi ‘Fadil Vokrri’. Ishte ndeshja e dytë në grup në Ligën C të Ligës së Kombeve. Djemtë e trajnerit Zhires nuk mundën të merrnin rezultat pozitiv.
How about this for an atmosphere?!#KOSGRE I 🇽🇰🇬🇷 pic.twitter.com/2y0OAH8vTJ
— Kosovan Football 🇽🇰 (@kosovanfooty_EN) June 5, 2022
Kosova e nisi mirë ndeshjen, por u ndëshkua në rastin e parë nga Greqia. Gjuajtja e Bakasetas rrafsh me tokën nuk u kap nga Muriç dhe më pas grekët e mbrojtën mirë rezultatin.
Greqia pati superioritet numerik në 20 minutat e fundit. Fidan Aliti mori kartonin e dytë të verdhë dhe Kosova mbeti me 10 lojtarë. Në fund karton të kuq mori edhe portieri Muriç, duke bërë që dardanët ta mbyllnin me 9 vetë.
Kosova mban vendin e dytë pas dy ndeshjeve të para në grup. Greqia është e vetmja skuadër që i ka fituar të dyja ndeshjet dhe kryeson me 6 pikë, e ndjekur nga skuadra e Zhires me 3 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
