Paraqitja e Armando Brojës në sezonin e parë me Viteshen në kampionatin holandez ka qenë pozitive. Ai po ndjek gjurmët e lojtarëve të tjerë që Çelsi ka huazuar më parë te skuadra holandeze. Bertrand Traore ka shënuar 13 gola me Viteshen në sezonin 2014-2015, Lukas Piazon ka shënuar 11 gola, ndërsa Broja është i treti me 10 gola.
Sulmuesi i Kombëtares shqiptare ka folur për shtypin holandez në lidhje me përvojën e tij të këtij sezoni: “Po mësoj shumë gjëra te Viteshe. Kam shënuar shumë gola me të rinjtë, sezonin e fundit shënova 30, kurse tani është më e vështirë. Kaloav edhe një moment krize, me 6 ndeshje pa gol. Është diçka që u ndodh edhe sulmuesve më të mirë. Në finalen e kupës dhashë një asist për Opendën dhe jam i kënaqur”, - ka thënë sulmuesi shqiptar.
Golat e shënuar dhe niveli i lojës së Brojës, sipas specialistëve të merkatos, ka bërë që edhe drejtuesit e Çelsit të mendojnë për rinovimin e kontratës me sulmuesin kuqezi në verë. Ndoshta edhe sezonin e ri Broja do të vazhdojë të luajë në Holandë, ku aktivizimi i rregullt mund ta ndihmojë të rritet edhe më shumë profesionalisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.