.png)
Gazeta Si – Argjentinasi shënoi një gol të bukur, të pazakontë për të. Mesi ishte protagonist në fitoren e lehtë ndaj Klermont, ku shënuan edhe Nejmar, Markuinjos dhe Hakimi.
Pas 4-0 ndaj nantës në Superkupën e Francës, skuadra e emirit të Katarit ‘asfaltoi’ edhe Klermontin 5-0. Mbi të gjitha, me një Mesi të madh, autor i 2 golave, njëri nga të cilët me roveshiatë.
Edhe Nejmar u shfaq në versionin ‘show’, me gol dhe asist për Leo Mesin. Nuk mund të fillonte më mirë kampionati për PSG-në e Kristof Galtier.
Në mungesë të Mbape për shkak dëmtimi, Nejmar dhuroi spektakël në pjesën e parë. Ai zhbllokoi rezultatin dhe pastaj dha pasimin për Hakimin në një kundërsulm të shpejtë për 2-0. Markuinjos shënoi me kokë golin e tretë.
😳😳😳😳😳😳😳😳😳 pic.twitter.com/UfUuxmuvvv
— PSG COMMUNITY (@psgcommunity_) August 6, 2022
Galtier ka zgjedhur skemën 3-4-1-2, që duket se po jep rezultat, duke bërë të buzëqeshë Al Khelaifin në tribunë. Në pjesën e dytë skenë e rrëmbeu Mesi me dy gola. I dyti u bë viral në rrjetet sociale. Një mesazh se Leo është kthyer.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
