Një goditje të befasishme ka bërë Juventusi për verën e ardhshme. Sipas të përditshmes katalnase “Sport”, që është shumë afër zhvillimeve te Barcelona, klubi italian ka arritur një akord me Musa Sisoko, prokuratorin e Osman Dembele.
Sulmuesi është në fund të kontratës me klubin spanjoll. Dembele është në tratativa për rinovimin me Barcelonën, por marrëveshja mes palëve është thuajse e pamundur, ndaj dhe në verë francezi pritet të kalojë në Torino me parametra zero.
Dembele, nga ana e tij, e ka dhënë ‘ok’-in për transferimin në Itali, por duket se ai ka në plan të presë edhe lëvizjet e PSG-së, klubi i tij i preferuar. Orët e ardhshme do të jenë vendimtare, pasi skadon ultimatumi i Barcelonës për rinovimin. Nëse edhe PSG-ja nuk bën hapa përpara, Dembele do të marrë rrugën për në Itali.
Orët e fundit Barcelona po interesohet seriozisht për dy lojtarë të Juventusit, mbrojtësin Mathijs de Ligt dhe sulmuesin Alvaro Morata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.