Ndahen sot në Dubai çmimet “Globe Soccer Awards” për më të mirët e futbollit ndërkombëtar, ku protagonistët pritet të jenë të njëjtët. Italia, kampione e Europës, është në garë për 5 çmime: Roberto Mançini për “Trajnerin e vitit”, Xhorxhio Kielini dhe Leonardo Bonuçi për “Mbrojtësin më të mirë”, Xhanluixhi Donaruma për “Portierin më të mirë” dhe “axurrët” për “Skuadra më e mirë” e 2021-shit.
Mes emrave kandidatë për kategori të ndryshme nuk mungojnë të zakonshmit Kristiano Ronaldo dhe Lionel Mesi, të cilët në Dubai kanë triumfuar edhe vitet e mëparshme, Mohamed Salah dhe Karim Benzema. Këtë vit ata konkurrojnë për “Lojtarin më të mirë të vitit”.
Who will be crowned BEST MEN'S PLAYER OF THE YEAR at Globe Soccer Awards 2021? ✨ pic.twitter.com/6XWBi9HWjx
— Globe Soccer Awards (@Globe_Soccer) December 26, 2021
“Globe Soccer awards” bën pjesë në edicionin e 16-të të “Dubai International Sports Conference”, ku të fituar specialë janë Robert Levandovski, “Lojtari më i mirë” i vitit të kaluar dhe në garë edhe këtë vit, si dhe Kilian Mbape, edhe ai në listën e finalistëve.
Mes temave që do të diskutohen janë ato të rolit të teknologjisë së re, si dhe çështja delikate e pandemisë së Covid-it, që ka shkaktuar shtyrje të tjera ndeshjesh në gjithë Europën, ndërsa në Gjermani dhe Belgjikë janë mbyllur stadiumet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.