.png)
Janë përcaktuar sot dy çiftet gjysmëfinaliste të Kupës së Shqipërisë. Pas shortit të hedhur në ambientet e stadiumit “Air Albania”, Partizani do të ndeshet me Vllazninë në gjysmëfinale, kurse Teuta do të ketë Laçin përballë.
Vëmendjen e merr sigurisht sfida mes Partizanit dhe Vllazninë, me të kuqtë që duan të shpëtojnë sezonin nëpërmjet Kupës së Shqipërisë, ndërsa shkodranët janë më mirë në kampionat dhe mund ta sigurojnë Europën prej tij, por kuptohet që e duan edhe një trofe.
Gjysmëfinalet luhen me sistemin vajtje-ardhje. Ndeshjet e para janë programuar për më 30 mars, kurse ato të kthimit për më 13 prill. Për të ardhur në gjysmëfinale, Partizani eliminoi Dinamon në çerekfinale, Vllaznia Flamurtarin, Laçi Egnatian dhe Teuta Skënderbeun.
Kupa e Shqipërisë, gjysmëfinalet
Partizani–Vllaznia
Teuta–Laçi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
