.png)
Fati i Qeverisë së kryeministrit Avdullah Hoti do të vendoset sot nga Gjykatën Kushtetuese. Pas gjashtë muaj pritjeje, gjykata po diskuton në një seancë publike për ligjshmërinë e votës së deputetit Etem Arifi kur Hoti është zgjedhur kryeministër.
Arifi ishte një prej 61 deputetëve që votoi pro zgjedhjes së Qeverisë Hoti. Por kur partia e Albin Kurtit, Vetëvendosja u rrëzua nga pushteti, vota e deputetit Arifi u quajt e pavlefshme për faktin se ai është dënuar për korrupsion me vendim përfundimtar të Gjykatës. Për këtë arsye VV-ja i ishte drejtuar për interpretim në Kushtetuese.
Një vendim pro Vetëvendosjes do të sille një situatë të re politike në vend. Si përfaqësues të Lëvizjes Vetëvendosje do të jenë deputeti Artan Abrashi dhe anëtari i këtij subjekti, Blerim Salla. Vetë Albin Kurti është shprehur i bindur se vendimi do të jetë në favor të tyre.
Si palë në këtë çështje po merr pjesë në seancë edhe Qeveria, pasi Hoti e ka angazhuar një avokat mbrojtës për ta përfaqësuar. Po ashtu pjesëmarrës është edhe këshilltari i Vjosa Osmanit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
