.png)
Gazeta Si - Federata Shqiptare e futbollit është gjobitur nga UEFA për flakadanët që tifozët kuqezi ndezën gjatë ndeshjes me Moldavinë më 17 qershor. Komisioni i Etikës dhe Disiplinës në UEFA ka vendosur një gjobë prej 21.250 eurosh.
Kujtojmë që në ndeshjen Shqipëri-Moldavi, e vlefshme për kualifikueset e Euro 2024, në stadiumin ‘Air Albania’ pati incidente nga tifozët. Penalizimi vjen nga problematika e shkaktuar nga grupimi ‘Tirona Fanatics’, që ndezi flakadanë gjatë ndeshjes.
FSHF, teksa bën të ditur lajmin e gjobës, bën apel për të gjitha grupimet dhe tifozët shqiptarë, që të jenë më të përgjegjshëm dhe të shmangin incidentet që mund të sjellin penalitete financiare jo vetëm për Kombëtaren.
Federata kërkon nga tifozët që të gjithë ta mbështesin Kombëtaren, duke treguar qytetari dhe përgjegjshmëri përmes një sjellje korrekte e duke respektuar rregullat dhe kundërshtarët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
