.png)
Vetëm një ditë pasi gjyqtari Gjin Gjoni dha dorëheqjen përmes një letre, nga sistemi i drejtësisë, (duke iu shmangur edhe vettingut) në disa media, dhe jo pa qëllim u shpërnda një lajm që ai ishte propozuar nga disa grupseksione të PD-së Lezhë dhe Tiranë për kandidat për deputet.
Kjo është hera e parë që emri i tij lakohet në strukturat bazë në Partinë Demokratike. Futja në lojë e Gjin Gjonit në fakt nuk duhet parë si diçka e rastësishme, duke ia faturuar bazës emrin e tij, por si diçka e komanduar nga lart.
Këtë gjë sa duket e ka kuptuar mirë edhe Ambasadorja Amerikane në Tiranë, Yuri Kim
e cila ka një mesazh të drejtpërdrejtë për drejtuesit e partive politike në përzgjedhjen e kandidatëve për zgjedhjet e ardhshme parlamentare.
“Paralajmërim: Ndërsa partitë përgatiten për zgjedhje, liderët do të mbajnë përgjegjësi për ata që garojnë nën flamurin e tyre. Ju lutemi verifikoni kandidatët tuaj – mos i fyeni votuesit, mos e minoni demokracinë, mos nxitni korrupsionin”, shkruan ambasadorja Kim.
Presidenti Ilir Meta ka ripostuar mesazhin e Ambasadores amerikane, ndërsa nuk ka qëndruar në heshtje as PD-ja.
Jorida Tabaku jo vetëm e ka ripostuar qëndrimin e ambasadores amerikane, por ka përcjellë edhe një sqarim: “...Të gjithë kandidatët e zgjedhur dhe të emëruar do të vetohen si në asnjë parti tjetër në rajon”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
