Gazeta Si - Një tjetër person ka humbur jetën nga aksidenti tragjik që ndodhi mbrëmjen e së premtes në fshatin Fortuzaj të Tiranës duke e çuar në dy numrin e viktimave.
Policia njoftoi se edhe Denis Çali, 33 vjeç, i cili fillimisht mbeti i plagosur nga kjo ngjarje, ndërroi jetë si pasojë e dëmtimeve.
Ai po udhëtonte së bashku me 26-vjeçarin Brusild Gjyla kur makina e tyre tip “Range Rover” ra në humnerë. Gjyla humbi jetën menjëherë në vendin e ngjarjes.
“Në vijim të aksidentit të ndodhur në fshatin Fortuzaj, ku një automjet ka humbur kontrollin dhe ka dalë nga rruga, ju informojmë se të dy shtetasit që ndodheshin në automjet, Brusild Gjyla, 26 vjeç, dhe Denis Çali, 33 vjeç, kanë ndërruar jetë”, njoftoi policia.
Një bilanc tragjik ai i së premtes në vendin tonë, ku kanë humbur jetën 11 persona si pasojë e aksidenteve apo mbytjeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.