.png)
Greqia përjeton fundjavën më të nxehtë të korrikut në 50 vjet, me temperatura mbi 40 gradë Celsius, ka paralajmëruar një meteorolog.
Qeveria ka këshilluar njerëzit që të punojnë nga shtëpia aty ku është e mundur dhe të mos dalin jashtë pa nevojë.
Të gjitha bizneset do duhet të mbyllen nga ora 12:00 – 16:00, në të kundërtën do të ketë gjoba.
Ministri i Punës, Adonis Georgiadis nga Kuvendi, u dërgoi një mesazh të rreptë bizneseve që të respektojnë vendimin ministror për mbrojtjen e punëtorëve nga vala e të nxehtit.
Për çdo biznes që nuk respekton këtë vendim gjoba është 2000 euro.
“Gjoba për shkelje është 2000 euro për punonjës. Deri tani nuk kam asnjë njoftim për shkelje. Duket se në një masë të madhe bizneset po përshtaten. Nuk më pëlqen të vendos gjoba, por punëtorët duhet të punojnë të sigurtë”, paralajmëroi ai.
Athina do të regjistrojë temperatura mbi 40 gradë Celsius për gjashtë deri në shtatë ditë, deri në fund të korrikut.
Autoritetet, ndërkohë, raportuan se zjarrfikësit po luftonin ende me 79 zjarre pyjore në të gjithë vendin, me zëdhënësin e tyre Vassilios Vathrakoyannis duke thënë se Greqia do të jetë në gjendje gatishmërie gjatë fundjavës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
